ATH BREYTING

Lokahófið fer fram í sal í Borgartúni 28 (fyrirtæki þarna sem heitir einar farestveit), kebab verður enn á boðstólnum en fólk getur mætt með sitt eigið áfengi og því um að gera að drífa sig í ríkið!!!

Dagskrá laugardagsins er komin á hreint.

16:00 - Mæting á gervigrasið hjá KR, spilaður verður stuttur leikur milli Hamranna og Vina. Menn eru beðnir um að melda sig í annað hvort liðið í athugasemdunum.

18:00 - Fyrir partý hjá Bjarna/Olla, boðið verður upp á léttar en fallegar veitingar til að svala þorstanum eftir knattspyrnuna.

20:00 - Mæting á Kebab-húsið á Grensásvegi þar sem lokahófið mun fara fram. Snætt verður dýrindis kebab. Kosið verður um ýmis afrek sumarsins og verðlaun veitt í kjölfarið. Leikmenn eru hvattir til að undirbúa skemmtiatriði og geta þá verið sambandi við Olla eða Hannes.

22:00 Stefnum á að formleg dagskrá verði ekki mikið lengri en Hannes mun engu að síður bjóða upp á Hugvekju í einu horni veitingastaðarins og er mönnum frjálst að ljá honum eyra.

Verð: Litlar 1.500 kr. per leikmann
Verð: Litlar 2.000 kr. per leikmann + maki

Greiðsla: Það væri frábært ef menn myndu ganga frá greiðslu sem allra fyrst með því að leggja inn á reikningsnúmerið hér fyrir neðan. Setja þá nafnið í skýring greiðslu og + 1 ef svo ber undir. Við þurfum helst að vera komnir með staðfestan fjölda á föstudag. Minni líka menn á melda sig í lið í athugasemdunum.

Rnr: 0101-26-61920
Kt.: 630106-1920

Allt að skýrast...

Lokahófið mun fara fram næstkomandi laugardag á Kebab-húsinu á Grensásvegi. Herlegheitin munu líkast til hefjast þar um 20:00 og verður snætt dýrindis Kebab. Dagskráin hefst þó fyrr um daginn með knattspyrnu og fyrirpartýi og því verður nóg um að vera. Samningaviðræður eru í gangi við reyndasta veislustjóra vestan Hlíðarenda og því margt á döfinni. Einnig hafa borist nokkrar mjög hressilegar tilnefningar um TILÞRIF SUMARSINS sem skýrist betur hér að neðan. Verði verður stillt í hóf og mun hljóða upp á 1500kr. per mann en 2000kr. á par. Í verðinu er innifalinn matur, húsnæði og kútur af bjór. Nánari upplýsingar þegar nær dregur.

Nú styttist óðum í einhverja glæsilegustu skemmtihátíð síðan Atlavík var upp á sitt besta. Af þessu tilefni hvetjum við menn til þess að vera frumlegir og framtaksamir við undirbúning skemmtiatriða enda aldrei of mikið af glensi og gríni. Það væri frábært ef menn myndu taka sig saman hið fyrsta og skipuleggja eitthvað skemmtilegt fyrir helgina, senda svo á mig línu svo hægt verði að gera ráð fyrir skemmtiatriðunum í dagskrá kvöldsins.

Mér datt í hug eitt slíkt en það er að safna saman því sem menn telja að hafi staðið upp úr í sumar. Betur muna menn en maður og því bið ég alla þá sem vilja tilnefna "TILÞRIF SUMARSINS" um að senda mér línu þess efnis. Þarna kemur allt til greina svo lengi sem það tengist sumrinu, félaginu eða leikmönnum þess, innan vallar sem utan. Menn senda mér tilnefninguna ásamt stuttri lýsingu á viðkomandi TILÞRIFUM á hannesh@hi.is. Því fleiri tilnefningar því betra og það verður gaman að sjá hvort eitthvað eftirminnilegt situr sérstaklega í mönnum eftir sumarið.

myndir úr ísafjarðarferðinni komnar inn á http://hamrarnir.vinir-nunna.be

kv. bjarni

Jæja piltar, svona til að dusta aðeins sigurvímuna af okkur þá er komið að því að gera upp dómaramálin hjá ÍR. Við skuldum ennþá allnokkur stöðugildi og aðeins eitt tækifæri til að ganga frá því. Næsta sunnudag er ÍR með 5.flokks mót í Egilshöll og vantar nokkra dómara í það verkefni. Þetta er einföld dómgæsla og lítið vandamál ef við skiptum þessu með okkur. Þarna liggur líka undir að við séum að standa við gerða samninga og aum lausn að reyna kaupa sig út úr þessu. Mótið hefst klukkan 09:00 á sunnudaginn og stendur til 14:00. Ég vil því biðja menn um að boða sig í dómgæslu í athugasemdunum og standa saman í þessu, sérstaklega þeir sem ekkert hafa dæmt. Þetta er síðasta verkefni sumarsins!

Æfing: Það verður æfing á morgun, fimmtudag, klukkan 19:00. Mæting á Ægissíðuna en það eru einhverjar framkvæmdir að hefjast þar og við gætum því þurft að færa okkur á gervigrasið hjá KR.

Lokahóf: Verður laugardaginn 27. september. Óskað er eftir mönnum í skemmtinefnd og norðanmenn eru hvattir til að fjölmenna suður þessa helgi. Þess má geta að ef við klárum þessa síðustu dómgæslu almennilega þá verður það launað í veigum á lokahófinu!

Tryggvi og Halldór Svavar eru komnir inn með hina hliðina á málinu. þeir sem eiga eftir að svara eru óvinsamlega beðnir um að gera slíkt hið sama og senda mér á bjarniherrera@hotmail.com!

Hamrarnir/Vinir eru 3.deildar meistarar árið 2008.

Það varð ljóst í gær að úrslitaleikur 3. deildarinnar mun fara fram á Ísafirði þetta árið en niðurstaðan var að lang stærstu leiti fengin vegna hagkvæmnissjónarmiða. Ferðatilhögunin verður þó nokkuð þægilegri en ég setti hérna inn um daginn og set ég þá nýju hér að neðan.

1. 11:00: Mæting á leiguflugvöllinn, Hótel Loftleiða meginn við Reykjavíkurflugvöll.
2. 11:30: Flugtak
3. 12:10: Áætlaður lendingartími á Ísafirði
4. 12:15: Sóttir á völlinn, töskurnar upp í íþróttahús og farið á hótelið í te og rist (smá pastarétt)
5. 12:45: Mættir í íþróttahús og undirbúum leikinn
6. 14:00: Kick off
7. 16:30: Brottför frá Ísafirði með bikar í annarri og bauk í hinni

Þar sem mestar líkur eru á því að úrslitaleikurinn muni fara fram á grasi verður æfingin í kvöld á Ægissíðunni, enda reyndist sá undirbúningur vel fyrir síðasta leik. Æfingin verður á sama tíma og síðast eða klukkan 18:15!

Sem sagt æfing klukkan 18:15 í kvöld á Ægissíðunni


Varðandi úrslitaleikinn, þá eru enn viðræður í gangi um mögulegan leikstað og tíma. Við erum að sjálfsögðu að gera okkar besta til þess að hafa leikinn á höfuðborgarsvæðinu eða í námunda við það.

Ég vil byrja á að óska öllum leikmönnum og aðstandendum félagsins til hamingju með glæsilegan árangur í gær þegar HamVin tryggði sér sæti í 2.deild að ári. Mikið afrek og félagið klárlega búið að skrá sig í sögubækurnar. Tímabilið er þó ekki búið og framundan er úrslitaleikur gegn BÍ/Bolungarvík um íslandsmeistaratitilinn í 3. deild 2008.

Viðræður við Vestfirðinga og KSÍ um tíma- og staðsetningu leiksins eru langt komnar og eru 90% líkur á að leikurinn fari fram á laugardaginn klukkan 13:00 á Ísafirði. Áður en menn stökkva sér til handa og fóta þá er þetta líklega besta leiðin fyrir utan Reykjavík.

Farið yrði með flugi klukkan 09:00 á laugardag, lent á Ísafirði rétt fyrir 10:00, farið í einhvers konar brunch fyrir leikinn og stefnt að því að vera mættir á völlinn 11:45 eða 75 mínútum fyrir leik. Leiknum ætti að ljúka um 15:00 (15:40 með framlengingu) og því þokkalega fínn tími til þess að ná sturtu fyrir brottför frá Ísafirði klukkan 16:20. Lending í Reykjavík væri því áætluð upp úr 17:00. Þarna væri því um 8 tíma ferðalag að ræða en einungis 2 tímar í flugi.

Ef leikurinn væri á hlutlausum velli svo sem Stykkishólmi eða Hólmavík mætti gera ráð fyrir 7-9 tíma ferðalagi og þar af 4-6 tímar í bíl. Vissulega munu heimamenn njóta ákveðins góða af þessu en við eigum líka harma að hefna fyrir vestan og því skemmtilegt tækifæri til að svara fyrir okkur í úrslitaleiknum.

Eftir heimkomu væri síðan stefnt að taumlausu skemmtanahaldi með allri viðhöfn en ákveðið hefur verið að geyma lokahófið í smá tíma og lengja þannig tímabilið og gefa öllum færi á að mæta. Lokahófið mun því fara fram laugardaginn 27. september (eftir rúmar 2 vikur) enda nauðsynlegt að fá tíma til að undirbúa jafn merkan viðburð.

Frábær 3-1 sigur í dag í Borgarnesi og sæti í 2.deild tryggt og þá fá broskallarnir að fljóta

Til hamingju allir saman.

Mbk.
Gunni

Það er alveg ljóst að allt sem við höfum verið að gera í sumar hefur miðað að því að undirbúa okkur fyrir þennan leik í dag. Hver og einn leikmaður þarf að undirbúa sig vel og vera tilbúinn að til þess að klára 90 (og jafnvel 120) mínútur af algjörri einbeitingu. Reynum að mæta tímanlega á Ártúnshöfðann og byggja upp þá stemmingu og leikgleði sem hefur skilað okkur bestum árangri í sumar.

Skallagrímur - HamVin
Borgarnesvöllur
Leiktími: 17:15
Mæting: 14:45 (Esso sjoppuna við Ártúnshöfða)

Dómari: Guðmundur Ársæll Guðmundsson
Aðstoðardómari 1: Jóhann Gunnar Guðmundsson
Aðstoðardómari 2: Jóhann Gunnarsson
Eftirlitsmaður: Páll Júlíusson

Hópurinn:

Arnviður Ævarr Björnsson
Bjarni Þórisson
Daði Kristjánsson
Daníel Pálmasson
Garðar Marvin Hafsteinsson
Guðmundur Kristinn Kristinsson
Guðmundur Magnússon
Gunnar Konráðsson
Halldór Svavar Sigurðsson
Hallgrímur Dan Daníelsson
Hannes Rúnar Hannesson
Helgi Jones
Helgi Þór Jónasson
Karvel Steindór Pálmason
Pétur Heiðar Kristjánsson
Sveinn Tjörvi Viðarsson

Æfingin í dag hefst klukkan 18:15 á grasvellinum á Ægissíðu. ÍR grasið er enn óslegið en KR-ingarnir voru til í að hleypa okkur á Ægissíðuna á þessum tíma.

Látið alla vita af þessari breytingu enda mjög mikilvægt að fá góða mætingu á þessa æfingu!

Ég vil biðja fólk um að taka eftir að leiktímanum á leiknum á morgun hefur verið breytt og mun hann hefjast klukkan 12:00 í stað 14:00.

Þá er komið að því piltar, stærstu leikir sumarsins eru framundan og því frábært tækifæri til að kóróna fínt tímabil. Við mætum Skallagrími klukkan 12 á hádegi á morgun á ÍR-vellinum og því mikilvægt að menn byrji strax að gíra sig fyrir leikinn. Leikurinn er óvenju snemma og menn verða því að vera skynsamir í kvöld og leggjast ekki of seint í rekkju. Annars er bara að fá sem flesta til að mæta á völlinn og byggja upp almenninlega HamVin stemmingu fyrir þetta stríð!

HamVin - Skallagrímur
ÍR-völlur
Leiktími: 12:00
Mæting: 10:45

Dómari: Einar Örn Daníelsson
Aðstoðardómari 1: Andri Vigfússon
Aðstoðardómari 2: Ingi Freyr Arnarsson
Eftirlitsdómari: Guðmundur J Jónsson

Hópurinn:

Arnviður Ævarr Björnsson
Bjarni Þórisson
Daði Kristjánsson
Daníel Pálmasson
Guðmundur Kristinn Kristinsson
Guðmundur Magnússon
Gunnar Konráðsson
Halldór Oddsson
Halldór Svavar Sigurðsson
Hallgrímur Dan Daníelsson
Hannes Rúnar Hannesson
Helgi Jones
Karvel Steindór Pálmason
Kristinn Björnsson
Pétur Heiðar Kristjánsson
Sveinn Tjörvi Viðarsson

Æfingin í kvöld verður klukkan 19:00 í Frostaskjóli (KR-velli)

Þá er komið að seinni leiknum í 8-liða úrslitunum og munum við mæta Berserkjum að öðru sinni klukkan 17:30 á Víkingsvelli í dag. Fyrri leikurinn var góður af okkar hálfu og verðum við að byggja á þeirri frammistöðu í dag. Hópurinn var tilkynntur á æfingu í gær og er um litlar breytingar að ræða. Hvetjum við alla velunnara félagsins að mæta og hvetja okkur til sigurs í þessum mikilvæga leik.

Berserkir - HamVin
Víkingsvöllur
Leiktími: 17:30
MÆTING: 16:15

Dómari: Eyjólfur M Kristinsson
Aðstoðardómari 1: Smári Stefánsson
Aðstoðardómari 2: Jón Magnús Guðjónsson

Hópurinn:

Arnviður Ævarr Björnsson
Bjarni Þórisson
Daði Kristjánsson
Garðar Marvin Hafsteinsson
Guðmundur Kristinn Kristinsson
Guðmundur Magnússon
Gunnar Konráðsson
Halldór Svavar Sigurðsson
Hallgrímur Dan Daníelsson
Hannes Rúnar Hannesson
Helgi Þór Jónasson
Helgi Jones
Karvel Steindór Pálmason
Pétur Heiðar Kristjánsson
Sigurður Freyr Sigurðsson
Sveinn Tjörvi Viðarsson

Jæja strákar, þá er að fylgja eftir fínum leik á laugardag og negla okkur inn í undanúrslitin. Við tökum æfingu í kvöld á ÍR-vellinum klukkan 18:30 og bið ég menn að taka bæði gras- og gervigrasskó á æfinguna. Við verðum á grassvæðinu við N1 stöðina við hliðina á gervigrasinu. Á morgun er síðan seinni leikurinn gegn Berserkjum og fer hann fram á heimavelli þeirra í Víkinni.

ATH. ÆFINGIN VERÐUR KLUKKAN 18:30 VEGNA BIRTUSKILYRÐA!!! LÁTIÐ MENN VITA AF ÞESSU

Mánudagur: Æfing klukkan 18:30 á ÍR-velli.
Þriðjudagur: Leikur gegn Berserkjum klukkan 17:30 í Víkinni.